Gwella Mynediad at Addysg Uwch a Chyflogaeth ar gyfer Mudwyr dan Orfodaeth

English Welsh

Dathlu degawd o Ddinas Loches Abertawe

Cynhadledd mewn partneriaeth â’r Brifysgol Agored

Nod y gynhadledd hon yw gwella mynediad at addysg uwch a chyfleoedd cyflogaeth gan gynnwys rôl hanfodol addysg bellach ar gyfer mudwyr dan orfodaeth yng Nghymru a thu hwnt. Bydd yn nodi rhwystrau allweddol a datrysiadau i’r rhwystrau hyn. Mae’n uno llunwyr polisïau, ceiswyr lloches a ffoaduriaid, ymchwilwyr ac academyddion, a sefydliadau cymunedol i drafod y materion hyn ar adeg lle mae Abertawe, nid yn unig yn dathlu degawd o fod yn Ddinas Loches, ond hefyd lle gall Cynllun Ceisiwr Lloches a Ffoadur Cenedl Lloches Llywodraeth Cymru cael ei wireddu yn dilyn etholiadau ym mis Mai 2021. Er bod Cymru a’r Alban yn arwain y ffordd wrth herio ‘amgylchedd gwrthwynebus’ llywodraeth y DU, mae gan y gynhadledd hon oblygiadau pwysig ar gyfer y DU gyfan.

Yn dilyn y gynhadledd, byddwn yn ysgrifennu adroddiadau yn dogfennu’r prif rwystrau i’r rheiny sy’n byw yng Nghymru a sut mae modd eu datrys. Byddwn yn cyflwyno set weithredadwy o argymhellion i Aelodau Cynulliad Cymru wrth iddynt ystyried beth all ddod yn Genedl Loches ei olygu. Byddwn yn dod o hyd i ffyrdd ymarferol i ddatblygu i gefnogi llunwyr polisïau gyda chynigion sy’n seiliedig ar dystiolaeth. Gyda’n gilydd, ein nod yw cau'r bwlch rhwng dyheadau a gwirioneddau a chyflawni potensial llawn mudwyr dan orfodaeth.

Diolch o galon i’r diweddar Heidi Hillman a’i theulu am eu rhodd garedig i gefnogi’r gynhadledd hon. Fel ffoadur, a oedd wedi graddio o’r Brifysgol Agored, ac yn eiriolwr brwd dros ddysgu gydol oes i bawb, byddai Heidi wedi croesawu nodau’r gynhadledd hon yn llwyr.

Ein Partneriaid